Осы нормативтік құқықтық актіні қабылдау қажеттігінің негіздемесі Қазақстан Республикасының 2008 жылғы 4 желтоқсандағы Бюджет кодексінің 9-1-бабының 2-тармағы, 75-бабы, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 6-бабы болып табылады.

Мәслихаттың осы шешімін қабылдаудың мақсаты – мемлекеттік органдардың және олардың ведомствоға қарасты мемемелердің міндеттерін, ауданның әлеуметтік-экономикалық даму бағдарламасының орындалуын қаржылық қамтамасыз етуді жүзеге асыру.

2022-2024 жылдарға арналған ауылдық округ бюджеттің кірістері Қазақстан Республикасы Салық кодексінің және басқа да нормативтік құқықтық актілердің ережелерін ескере отырып, Орта мерзімді кезеңге арналған макроэкономикалық көрсеткіштердің болжамды параметрлерін негізге ала отырып есептелген, 2018-2019 жылдарға есептелген және төленген салық сомалары, 2020 жылды бағалау ескерілген.

2022 жылға арналған аулыдық округінің бюджетке түсімдердің болжамды көлемі 2 381 мың теңге, 2023 жылға – 2 548 мың теңге, 2024 жылға – 2 789 мың теңге сомасында белгіленді.

2022 жылға аудандық бюджеттен 22 492 мың теңге, 2022 жылға – 25 501 мың теңге, 2024 жылға – 26 001 мың теңге сомасында субвенция түсімі жоспарланып отыр.

2022 жылға арналған трансферттерді есепке алғанда ауылдық округі бюджетінің жалпы көлемі 24 873 мың теңгені, 2023 жылға 28 049 мың теңгені, 2024 жылға 28 790 мың теңгені құрайды.

Нормативтік құқықтық акті жобасын қабылдау өзіне жағымсыз әлеуметтік-экономикалық және/немесе құқықтық салдарларды тартпайды.

Шешім жобасы НҚА ашу бөлімшесіндегі «Электрондық Үкімет» порталына орналастырылған.

Ауылдық округ әкімі В.Сичков